May 21, 2013

Aisa kaisa hota hai..



Aisa kaisa hota hai ki pyaar bikhar jaata hai..
Kal jinki jaan they hum aaj ajnabi kehlaata hai..

Kal jiske aangan mein mehakte they gulaab ban kar..
Aaj mujhe dekh ke khud murjhaa jaata hai..

Jiske saath baith nadiyon ko baadal bante dekha..
Wo waqt ke bahaav mein door bahaa jaata hai..

Uski aawaaz mein tab suraj bhi ghul jaaya karta tha..
Ab thandi aahon mein din guzar jaata hai..

Aisa kaise hota hai ki pyaar bikhar jaata hai..
Aksar waade maangne waala apne waadon se mukar jaata hai..

1 comment:

Vidisha Barwal said...

kyunki shaayad aisa hi hota hai jab pyaar bikhar jaata hai...
amazingly written!