May 26, 2012

Kaheen door ..



Jab apni awaaz mein tum mera naam lete ho .. 

Kaheen door baarish hoti hai ..

Kaheen door jab baarish hoti hai .. 

Meri paayal pe chaandi chadhti hai ..

Jab meri paayal par chaandi chadhti hai .. 

Chaand bibi baadlon ka shawl odh leti hai ..

Baadal odhe ye chaandni jab mehekne lagti hai .. 

Raat ki raani gungunaane lagti hai ..

Raat ki raani jab gungunaati hai .. 

Door kaheen se pariyaan dharti pe utarne lagti hain ..

Jab pariyan dharti pe utarne lagti hain ..
Tumhaare naam ki baarish hoti hai .. 

2 comments:

Aadii said...

Beautiful. Love the pattern of the poem as well. Always wanted to try n write something like this.

"Meri paayal pe chaandi chadhti hai .." Masha allah!

Rimple said...

awww pyaari si meethi si poem